Kórstevnan setur met í ár

Tilmeldingarfreistin hjá kórunum var úti í gjár, og bæði Kórsambandið og vertskórið í Fuglafirði kunnu fegnast um, at hetta er tað mesta nakrantíð á einari kórstevnu.

Tey 17 kórini eru Tórshavnar manskór, Vestmanna sangkór, Suð, Siloakórið, Silvitni, Stranda sangkór, Morgunkórið, Tarira, Havnarkórið, Gøtu kirkju ungdómskór, Tórshavnar kamarkór, Kórið hjá Jóhann, Vágakórið, Ljómur, Xperiment, Eystanljóð og Fuglafjarðar sangkór.

Freistin at vera við í stóra felagskórinum, sum skotski kórdirigenturin, Michael Bawtree, fer at stjórna, er tó ikki úti fyrr enn fríggjadagin í næstu viku.

Í ár eru 55 ár liðin, síðani Kórstevnan fyri fyrstu ferð var í Fuglafirði, sum í ár hýsir henni fyri fimtu ferð.