Fara eftir at avgera alt sjálvir

Vónirnar hjá føroyska fólkinum liggja í stóran mun á hansara herðum.

Men tað tykist ikki nerva Elias á Skipagøtu undan avgerandi EM-undankappingardystinum ímóti Eysturríki seinnapartin.

 - Tað eri eg vanur við, so tað bilar onki, sigur spælskiparin, sum skeyt ikki færri enn 13 mál í heimadystinum ímóti Ukraina mikukvøldið, sum Føroyar vunnu 33-26.

Eydnast tað Eliasi á Skipagøtu og hinum at fáa stig í dag, er nærum vist, at Føroyar skulu til Týsklands at spæla um evropameitaraheitið í januar.

Tað er ætlanin, váttar bakspælarin.

Fara tit eftir stigunum og at avgera alt sjálvir?

 - Ja, tað fara vit, staðfestir hann stutt.