Óli Mittún: "Ringt at seta orð á"

"Tað er óbeskriviligt at vit eru við til EM-endaspælið," ásannaði 17 ára gamli Óli Mittún, sum er eitt tað størsta hondbóltstalentið í heiminum, og nú skal til EM-endaspælið

0 seconds of 0 secondsVolume 90%

00:00

Uni L. Hansen

30.04.2023 - 20:40

Hondbóltsviðmerkjararnir løgdu ikki fingrarnar ímillum.

"Í dag sær Óli Mittún út sum ein 17 ára gamal hondbóltsspælari," staðfestu Julian Johansen og Hjalti Mohr Jacobsen í sjónvarpsstovuni í hálvleikinum í landsdystinum millum Eysturríki og Føroyar.

Eysturríki vant burtur úr Føroyum í fyrra hálvleiki, og avrikið var ikki nóg gott, ásannaði Óli Mittún ærliga eftir dystin.

"Eg geri ov nógvar feilir í byrjanini, ja, tað gera vit allir. Men tað var munandi betri í seinna hálvleiki."

Hondbóltur, FO-Ukraina

17 ára gamli Óli Mittún telist millum heimsins størst hondbóltstalentir í sínum aldursbólki. Hann var flúgvandi móti Ukraina herfyri, men hevði tað trupult móti sterka eysturríska liðnum í dag (Mynd: Bjarni Árting Rubeksen)

Føroyar vunnu seinna hálvleik og avmarkaðu harvið tapið til fimm mál, 38-33.

Harvið endaðu Føroyar sum næstbesti 3'ari og gjørdist ein av fýra 3'arum, sum sluppu við til EM.

"Tað er ringt at seta orð á kensluna," staðfesti Óli Mittún eftir dystin.