Ákæruvaldið vil hava afturlatnar hurðar

Býarrætturin í Keypmannahavn fer í dag taka støðu til, um rættarmálið ímóti Claus Hjort Frederiksen, fyrrverandi verjumálaráðharra, skal vera fyri afturlatnum hurðum ella ikki.

Claus Hjort Frederiksen er ákærdur fyri at avdúka ríkisloyndarmál.

Fyrrverandi vinstramaðurin hevur fyrr sagt, at hann er ákærdur fyri at hava fortalað seg í samrøðum við fjølmiðlar. 

15. desember 2021 umrøddi hann millum annað samstarvið millum fregnartænastuna hjá donsku verjuni, FE, og USA í sendingini Lippert á TV2:

Tað er ákæruvaldið, sum biður um afturlatnar hurðar, tá ið málið byrjar.

Tað snýr seg um trygdina hjá Danmark, sigur statsadvokaturin, Jakob Berger Nielsen.

- Trúnaðarupplýsingar skulu verða verandi trúnaðarupplýsingar, sigur hann.

Støðan hjá Claus Hjort Fredriksen og verja hansara er beint øvut, teir vilja hava, at almenningurin og fjølmiðlar sleppa til rættarfundirnar.

- Talan er um eitt politiskt mál, sum alment innlit eigur at vera í, segði Claus Hjort uttan fyri býarrættin fyrrapartin: