Ætla at kanna, hví Grønland gjørdist amt

Allir flokkar í grønlendska landstinginum vilja kanna, um Danmark bar seg rætt at, tá Grønland gjørdist amt í staðin fyri hjáland fyri 70 árum síðani.

Spurningurin, sum nú skal svarast, er, um Danmark gjørdi, sum ST sigur um hjálond. 

Uppskotið um at seta eina nevnd at kanna tað er nú farið í nevnd.

Onnur viðgerð verður í landstinginum 25.mai.

Eingin fólkaatkvøða

Í 1953 var grundlógin broytt, og Grønland var ikki longur hjáland.

Men eingin fólkaatkvøða var í Grønlandi um grundlógina. 

Grønlendskir politikarar halda, at ST hevur nógv skjøl um tað, sum hendi í 1953, skjøl, sum ikki eru almenn. 

Millum annað verður spurnartekin sett við ta kunning og ráðgeving, sum grønlendskir politikarar fingu frá Danmark í 1953.