Sudan: Samráðast um vápnahvíld

Sudanski herurin hevur sent eina sendinevnd til saudiarabiska býin, Jedda, har skipaðar eru friðartingingar um vápnahvíld í Sudan.

Tað skrivar Reuters-tíðindastovan frá keldum í sudanska herinum.

Báðir partar í stríðnum, sudanski herurin og hálvhernaðarligi bólkurin, RSF, siga seg bara vera til reiðar at tingast um eina humanitera vápnahvíld, men ikki um ein enda á stríðnum í Sudan.

Tingingarnar eru partur av eini felags roynd hjá USA og Saudiarabia at fáa frið í lag í Sudan.

Ófriður hevur valdað í afrikanska landinum síðani miðskeiðis í farna mánaði.