1.090 fólk fríað í Filipsoyggjum

Har vórðu tey noydd at arbeiða við at svika á internetinum, og fyri tað mesta skuldu tey royna at lokka fremmandafólk at keypa krypto-gjaldoyru ella seta pengar inn á falskar kontur.

- Tilsamans er tað eydnast okkum at bjarga yvir 1.000 fólkum, sigur ein talsmaður fyri filipinsku myndugleikarnar.

- Passini vóru tikin frá teimum fangaðu fólkunum, ið síðani vórðu noydd at arbeiða í upp til 18 tímar um samdøgrið.

Millum teirra, ið eru fríað í filipinska átakinum, eru borgarar úr Malaysia, Thailandi, Taiwan, Myanmar, Hong Kong og Nepal, skrivar AP-tíðindastovan.

Í minsta lagi 12 fólk eru handtikin og eru undir illgruna at hava skipað fyri menniskjahandlinum.