Dómur í harðskapsmáli fellur hósdagin

Hósdagin fellur dómur í revsimálinum móti trimum ungum monnum, sum eru ákærdir fyri grovan harðskap. 

Ein maður aftrat var ákærdur, men tá málið var í Føroya rætti hósdagin, komu upplýsingar fram, sum fekk ákæruvaldið at krevja mannin frídømdan.

Allir menninir nokta seg sekar.

Ákæruvaldið krevur treytaleysa fongsulsrevsing í tríggjar mánaðir.

Menninir eru ákærdir fyri at hava sligið ein mann í høvdið við fløsku. Maðurin fekk skurð, sum neyðugt var at seyma.

Hetta skal vera hent í Havn tíðliga nýggjársmorgun í fjør.

Tá vóru teir fýra menninir allir yngri enn 18 ár.