Landsstýrismaðurin: Ávíst klædnaplagg órógvar ikki undirvísing

Landsstýrismaðurin: Ávíst klædnaplagg órógvar ikki undirvísing
Djóni Nolsøe Joensen hevur svarað fyrispurningi frá Liljuni Weihe um klædnapolitikkin í Vestmanna skúla
Tað vakti ans, tá ið leiðslan í Vestmanna skúla gjørdi reglur fyri, hvussu næmingarnir skulu vera ílatnir í skúlanum.
 
16.05.2023 - 15:17

Landsstýrismaðurin í barna- og útbúgvingarmálum heldur ikki, at tað ber til at siga, at eitt ávíst klædnaplagg er órógvandi fyri undirvísingina í fólkaskúlanum. Men tað kann hava týdning, hvussu vit eru klødd.

Djóni Nolsøe Joensen, landsstýrismaður, hevur svarað Liljuni Weihe, løgtingskvinnu, sum spurdi um klædnapolitikkin í Vestmanna skúla.

Tað vakti ans, tá ið leiðslan gjørdi reglur fyri, hvørjum klæðum næmingar kunnu vera í í skúla. Eitt nú, skulu gentur ikki vera í nalvablusu.

 

Lagaligt og mennandi samskifti

Sambært landsstýrismanninum er best, at bæði gentur og dreingir, í lagaligum og mennandi samskifti í skúlanum, verða gjørd tilvitað um, hvat er hóskandi klædnaval. Foreldur eru eisini partar í hesum.

Liljan Weihe spurdi eisini, um tað er í samsvari við fólkaskúlalógina, at einstakir skúlastjórar - og ikki skúlastýrini - gera slíkar reglur á fólkaskúlum kring landið.

Djóni Nolsøe Joensen, landsstýrismaður, sigur í svarinum, at skúlastjórin kann taka stig til at seta átøk í verk, um tað kanska eru umstøður, sum kunnu órógva undirvísingina. Og sambært fólkaskúlalógini er tað skúlastjórin, sum hevur eftirlit við, at næmingarnir fylgja nóg væl við í undirvísingini.
 

Er kopiera
Nýggjastu sendingar í ÚV
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Leygardag 14. november
TEMAPLÁTAN 40: 'Fahrenheit', Toto, 1986
215932
Nýggjastu sendingar í SV
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214
Sunnudag 15. november
Talvið um Tinganes (2:2) - teknmálstulkað
216435