Eftirmeta royndarverkætlan um skúlasálarfrøðing

Royndarverkætlanin um skúlasálarfrøðing á Skúlatrøð í Klaksvík verður eftirmett næsta vár.

Tá verður støða tikin til, um skipanin skal halda fram og setast í verk í øðrum skúlum og ikki minst, hvør samskipan skal vera millum skúlasálarfrøðing og sernámsfrøðiligu tænasturnar hjá  Sernámi.

Djóni Nolsøe Joensen, landsstýrismaður, hevur svarað Súsonnu Bertholdsen, løgtingskvinnu, sum spurdi um skúlasálarfrøðingar.

Komandi skúlaár er seinasta árið, pengar eru játtaðir til trý ára royndarverkætlanin á Skúlatrøð.   

Játtanin er til knappliga hálvtíðarstarv. 

Súsanna Bertholdsen

Súsanna Bertholdsen, løgtingskvnna, spurdi landsstýrimannin um skúlasálarfrøðingar. (Mynd: Bjarni Árting Rubeksen)

Hava ótta og lættari tunglyndi

Higartil hava 70 næmingar verið hjá sálarfrøðinginum á Skúlatrøð í Klaksvík. 

Næmingarnir hava havt ótta, lættari tunglyndi, lágt sjálvsvirði, sorg, verið merktir av hjúnaskilnaði ella upplivað skakandi hendingar.

Serliga eldru næmingarnir í skúlanum brúka skipanina, sigur Djóni Nolsøe Joensen.

11 sálarfrøðingar virka í skúlum og dagstovnum.