Sverri bleiv nummar fýra í EM-finaluni

Tað bleiv sostatt onki EM-heiðursmerki til føroyska rógvaran á hesum sinni. Sverri Sandberg Nielsen róði fyri Danmark í EM-kappingini og var 2,5 sekund frá triðja plássinum.

Í finaluni var Sverri Nielsen allatíðina aftanfyri triggjar teir fremstu bátarnar, og hóast hann gjørdi eina drúgva roynd í endaspurtinum, so kláraði hann ikki at koma fram um teir fremstu rógvararnar.

Sverri Sandberg Nielsen vann í 2019 VM-silvur, gjørdist evropameistari árið eftir, og vann silvur í EM í 2021.

Tað skrivar Ritzau sambært danska miðlinum, Nordjyske.