Dánjal og Janus eru íslendskir meistarar

Dánjal Ragnarsson og Janus Djurhuus eru íslendskir meistarar í hondbólti, eftir at ÍBV úr Vestmannaoyggjum vann fimtu og avgerandi finaluna á Haukum á heimavølli.

Liðini høvdu vunnið tveir dystir í part, og eisini fimta finalan var jøvn. ÍBV vann, tá samanum kom, 25-23 eftir hálvleiksstøðuna 11-10, og so var stór frøi á eyjamonnum. Janus Djurhuus skeyt eitt mál fyri ÍBV, sum vann sítt triðja meistaraheiti.