Silvio Berlusconi deyður

Fyrrverandi italski forsætisráðharrin, Silvio Berlusconi, er deyður, 86 ára gamal.

Tað skriva fleiri italskir miðlar.

Hann doyði á Raffaele-sjúkrahúsinum í Milano í morgun.

Berlusconi hevur ligið á sjúkrahúsi síðani fríggjadagin, og hevur seinastu árini verið innlagdur fleiri ferðir. 

Fyri stuttum fekk hann viðgerð fyri lungnabruna, sum hevur tilknýti til kroniska leukemi.

Berlusconi var forsætisráðharri í Italia í trý skeið - frá 1994 til 1995, 2001 til 2006, og aftur frá 2008 til 2011.

Hann var formaður í flokkinum, Forza Italia.

Eisini var Berluconi kendur fyri í nógv ár at standa á odda fyri fótbóltsliðnum, AC Milan.