- Tíðindi, mentan og ítróttur
Hasfjord gevst á sandoyarleiðini
Hasfjord gevst á sandoyarleiðini
Strandferðslan fer nú at samráðast við áhugaðar um at høgga skipið upp
Hasfjord verður nú lagdur. Skipið lýkur ikki klassakrøvini.
15.06.2023 - 10:14
Hasfjord gevst at sigla á sandoyarleiðini.
Krevjandi klassakrøv skuldu vera lokin hálvan juni.
Landsstýrismaðurin hevur saman við Strandferðsluna gjørt av at leggja Hasfjord.
Strandferðslan arbeiðir í løtuni við at gera neyðugar tillagingar í ferðaætlanunum fyri at kunna nøkta flutningstørvin á sandoyarleiðini og hestleiðini, nú Hasfjord verður tikin úr sigling.
Væntandi fer Erla Kongsdóttir at taka ein part av siglingini í Hest komandi tíðina.
Samskift verður í løtuni við Landsverk og Tórshavnar kommunu um at fáa rampurnar í Hesti og á Gomlurætt klárar til, at Erla Kongsdóttir kann flyta akfør um Hestfjørð.
Farið verður nú undir samráðingar við áhugaðar upphøggarar um at keypa Hasfjord, siga Strandfaraskip landins.
Gerhard Lognberg, borgarstjóri í Skopun, harmast um, at Hasfjord verður tikin úr sigling. Hann sigur, at dentur má leggjast á at tryggja vinnulívið í Sandoynni:
15062023_Gerhard_um_Hasfjord
Er kopiera
Nýggjastu sendingar í ÚV
Nýggjastu sendingar í SV
