Kreml: Putin sinnaður at tosa um friðarloysn

Russiski forsetin, Vladimir Putin, er framvegis opin fyri einum og hvørjum høvi at tosa um loysnir fyri kríggið í Ukraina. 

Tað sigur Kreml, sambært russisku tíðindastovuni RIA, sum russiski staturin eigur.

Putin segði í síðstu viku, at hann er til reiðar at hava friðarsamrøður við Ukraina, men at friður kemur bara upp á tal, um Vesturheimurin gevst við vápnastuðlinum til Ukraina.

Russiska tíðindastovan Inerfax skrivaði í gjár, at Putin hevur tikið av eini innbjóðing frá turkiska forsetanum, Recep Tayyip Erdogan,um at vitja í Turkalandi. 

Dagurin fyri vitjanini er tó ikki avtalaður enn, skrivar NTB.