Frítekst tagging:
- Tíðindi, mentan og ítróttur
U21-HM: Føroyar struku framvið Angola
U21-HM: Føroyar struku framvið Angola
U21-landsliðið í hondbólti hevði ongar trupulleikar av Angola, og Elias á Skipagøtu, Hákun West av Teigum og aðrir kundu hyggja at av beinkinum stóran part av dystinum
Dagsins maður, Elias á Skipagøtu, var flúgvandi frá byrjan, og slapp skjótt út á beinkin at hvíla
Mynd: IHF
20.06.2023 - 11:12
GETEC Arena, Magdeburg (U21-heimsmeistaraheitini)
Føroyar - Angola, 34-21 (18-8)
Føroyska U21-hondbóltslandsliðið hevði ongar trupulleikar av Angola í fyrsta dystinum í HM-endaspælinum í Týsklandi.
Elias á Skipagøtu, Hákun West av Teigum og Pauli Jacobsen syrgdu fyri greiðari leiðslu beinanvegin, og hesir - saman við øðrum í byrjanaruppstillingini - vórðu skjótt tiknir út á beinkin, har teir sóu liðfelagarnar tryggja Føroyum sigurin.
Fleiri av føroysku innskiftarunum smæddust ikki. Bjarni í Selvindi fekk fýra mál burtur úr fýra royndum, og VÍF-strikuleikarin, Kristian Jensen, skjeyt eisini fýra.
Angolska liðið fekk ongantíð kjansin at spæla seg innaftur í dystin, og føroysku spælararnir kunnu nú hugsa um avgerandi dystin ímóti Japan hósmorgunin.
Hákun West av Teigum í eyðkendum stíli. MYND: IHF
Er kopiera
Nýggjastu sendingar í ÚV
Nýggjastu sendingar í SV
