Sonur forsetan játtar seg sekan í trimum lógarbrotum

Hunter Biden, sum er sonur amerikanska forsetan, Joe Biden, hevur gjørt avtalu við amerikanska løgmálaráðið um at játta seg sekan í trimum lógarbrotum.

53 ára gamli forsetasonurin hevur játtað seg sekan í tvær ferðir tilvitað ikki at hava goldið skatt í 2017 og 2018. Og hann játtar seg eisini sekan í at hava brotið vápnalógina.

Hunter Biden hevur fyrr viðurkent, at hann hevur havt stórar trupulleikar við bæði rúsdrekka og hørðum rúsevnum. Republikanarar hava leingi roynt at seta ivasomu fortíðina hjá Hunter Biden í beinleiðis samband við pápan, men tað hevur ikki veruliga eydnast teimum.

Og tað verður heldur ikki roknað við, at lok verður lagt á málið nú, hóast Hunter Biden játtar seg sekan í trimum ákærum.

Longu nú eru røddir frammi um, at avtalan millum løgmálaráðið og Hunter Biden er politisk, tí hann er sonur forsetan.