Norski tjóðbankin hækkar rentuna

Norski tjóðbankin hækkar leiðandi rentuna við 0,5 prosentstigum, upp í 3,75 prosent.

Avgerðin um hækkingina var tikin í gjár og kunngjørd í dag.

Síðani rentan lækkaði niður í null undir koronufarsóttini, er hon javnt og samt hækkað seinasta hálva annað árið. 

Og stigið í dag, 3,75 prosent, er tað hægsta síðani fíggjarkreppuna í 2008.

Seinast, rentan hækkaði í Noregi, var 5. mai.