Kunngerð um útlendingar í Føroyum skal broytast

Danski útlendinga- og integratiónsráðharrin, Kaare Dybvad Bek, hevur gjørt uppskot um at broyta føroysku kunngerðina um útlendingar.

Talan er um kravið um uppihald.

Kravið er, at útlendingar, sum fáa fyribils uppihaldsloyvi í Føroyum, skulu uppihalda sær sjálvum og húskinum hjá sær uttan almannaveitingar.

Tey mugu ikki fáa veitingar frá Almannaverkinum.

Landsstýrið bað í mars um at fáa nýtt krav um uppihald.

Broytingin í kunngerðini fer at gera, at krav kann setast um skjalprógv fyri inntøku.

Broytingaruppskotið verður sent til hoyringar í Føroyum og Danmark síðst í hesum mánaðinum.