Avokadoir afturkallaðar

Avokadoir av slagnum Smag Forskellen skulu latast handlinum aftur ella burturbeinast, boðar Heilsufrøðiliga starvsstovan frá á heimasíðuni.

Orsøkin er, at ov nógv kadmium er í teimum, og tað er týdningarmikið, at fólk ikki fáa ov nógv kadmium í longri tíð. 

Ongi akutt eyðkenni

Ein einstøk máltíð er ikki avgerandi, og fólk fáa ikki akutt sjúkueyðkenni.

Á heimasíðuni hjá Heilsufrøðiligu starvsstovu, hfs.fo, sæst, hvørja vøru, talan er um.

Heilsufrøðiliga starvsstovan mælir fólki til at lata handlinum, sum hevur selt teimum Smag Forskellen avokadoir, tær aftur, ella beina tær burtur.