Kina avlýst fund við ES

Kina hevur avlýst fundin við uttanríkisleiðaran í ES.

Josep Borrell skuldi eftir ætlan vitja í Kina í næstu viku, har hann skuldi hitta kinesiska uttanríkisráðharran, Qin Gang.

Enn er ógreitt, hví fundurin er avlýstur.

ES og Kina eru ósamd um fleiri øki, m.a. handil, mannarættindi og kríggið í Ukraina.

Talskvinnan í ES, Nabila Massrali, sigur í fráboðan, at tað eru kinesisku myndugleikarnir, sum skulu grundgeva fyri, at fundurin er avlýstur.

Í apríl mánaði avlýsti Borrell vitjan sína til Kina, eftir at hann hevði fingið staðfest koronu.