Ungur svimjari skal bera vatnið

Í Føroyum hevur siðvenja verið, at yngsta ítróttarfólkið berur vatnið. Tá Oyggjaleikir verða settir, hevur hvør oyggj sítt egna vatn við heimanífrá.

Vatnhátíðarhaldið er fastur partur av skránni, og tá fer ein íðkari frá hvørjari limaoyggj at lata vatn í eitt felags kar. 

Til leikirnir í Guernsey er 14 ára gamli svimjarin, Líggjas Joensen, yngsta ítróttarfólkið hjá Føroyum, og tí fær hann heiðurin at bera vatnið til Oyggjaleikasetanina.

Oyggjaleikirnir í Guernsey verða settir leygarkvøldið 8. juli kl. 18:30 á havnarlagnum í St. Peter Port.