Tólv føroysk finalupláss í svimjing

Føroysku svimjararnir skulu svimja í 12 finalum á Oyggjaleikum i kvøld, skrivar svimjing.com.

Fyrstu innleiðandi kappingarnar vórðu fyrrapartin, og tað eydnaðist teimum flestu av føroyingunum av koma í finalur.

Góðar vónir eru til Líggjas Joensen og Heina Mohr Askham, sum hava bestu og næstbestu tíð av øllum. Í 400 blandað eru Eyðrið Mortensen og Jóhanna Ólavsdóttir í finaluni við næstbestu og fimtbestu tíð. 

Isak Brisenfeldt skal royna seg í 200 firvald, meðan Jóhanna Ólavsdóttir er í finaluni í 100 firvald. 

Róland Toftum og Bartal Erlingsson Eidesgaard eru í finaluni í 100 bringu við trið- og fimtbestu tíð, meðan Lea Osberg Højsted skal svimja um heiðursmerki í 50 bringu.

Føroysk umboðan er í 200 frí av Alisu Bech Vestergård, sum hevði fjórbestu tíðina innleiðandi. 

Eisini eru føroysku stafettirnar í finalum. Menninir í 4 ferðir 50 blandað og kvinnurnar í 4 ferðir 50 frí. Bæði menn og kvinnur fingu sættbestu tíð innleiðandi.