Samandráttur í sjónvarpinum og svimjistroyming á heimasíðuni

Nógv er á skránni í Guersney í dag.

Føroyingar nærkast finalum í bogaskjóting og badminton, meðan góð útlit eisini eru í skjóting. Í kvøld eru svjimjifinalur aftur á skránni, og fleiri føroyingar skulu kappast.

Í frælsum ítrótti skulu gulldreingirnir, Jónas Gunnleivsson Isaksen og Eiri Jógvansson Glerfoss, aftur kappast - nú í yndisgreinunum.

Jónas Gunnleivsson Isaksen skal renna 200 metrar, og hann hevur bestu hálvfinalutíð. Eiri Jógvansson Glerfoss skal kappast í longdarlopi við besta tilmeldingarlopi. 

Afturat teimum báðum renna Maria Biskopstø og Rebekka Fuglø Poulsen 800 metrar, og tað ger Rúni Seloy eisini. Lydia Simonsen er í finaluni í klingruvarpi, Elisabeth H. Simonsen og Bára J. Glerfoss í longdarlopi, og Margit W. Fríðmundsdóttir skal renna 200 metra finalu. 


Oyggjaleikasending klokkan 22

Kringvarpið sendir samandrátt av oyggjaleikadegnum í sjónvarpinum klokkan 22. Harumframt stroyma vit allar finalurnar í svimjing í kvøld frá klokkan 18.