Ákæruvaldið vil hava áseting um grooming í revsilógini

Politiið kannar í løtuni eitt mál um misnýtslu av børnum á netinum, har tveir menn eru varðhaldsfongslaðir í fýra vikur.

Talan er um barnalokking ella sokallaða grooming.

1. juli í ár var grooming gjørt revsivert í Danmark, men føroyska revsilógin hevur onga áseting um grooming enn.

Men tað áttu vit at havt, sigur ákæruvaldið.

- Ein áseting um grooming, hevði hjálpt ákæruvaldinum og børnunum, sigur Katrin Thorsvig Hansen, høvuðsákæri. 

Landstýrið 2022/23, Bjarni Kárason Petersen

Bjarni Kárason Petersen, landsstýrismaður. (Mynd: Bjarni Árting Rubeksen)

Landsstýrismaðurin í lógarmálum, Bjarni Kárason Petersen, væntar, at Føroyar fara at gera sum danir næsta ár.

- Neyðugt er at leggja upp fyri brotsverkum á talgildu pallunum, heldur landsstýrismaðurin, ásannar at Føroyar eru eftirbátar á summun økjum. 

Hoyr innslag í útvarpstíðindunum: