Námsfelag stevnir Grønlandi og Danmark eftir 76 milliardum

Danmark og Grønland eru stevnd eftir 76 milliardum krónum.

Tað er avstralska námsfelagið, Energy Transition Minerals, sum krevur endurgjald.

Endurgjaldskravið er í tveimum.

Sjálvt endurgjaldið er 50 milliardir krónur. Aftrat eru 26,5 milliardir krónur í rættarmálsrentum.

Sleppa ikki at hava nám

Orsøkin er, at felagið ikki sleppur at hava nám við Kuannersuit, á donskum Kvanefjeld, í Grønlandi.

Energy Transition Minerals, sum fyrr kallaðist Greenland Minerals, sigur seg hava rætt til at fáa námsverkætlanina góðkenda.

Tað vil felagið nú hava gerðarrætt at staðfesta.

Landstingið í Grønlandi samtykti í 2021, at uran skuldi ikki vinnast burtur úr grønlendsku undirgrundini.