75.000 kr. í bót fyri at bróta forboðið

Skiparin, Daniel Binyon, hevur í tveimum førum brotið forboðið, sum var sett skipinum at sigla innum 12 fjórðinga markið. Hetta var 9. og 11. juli.

Harumfamt hevur hann ikki boðað tollmyndugleikinum frá, tá ið silgt var inn í føroyskt øki.

Sjálv bótin var tvær ferður 75.000 krónur fyri tvey ymisk brot á kunngerðina um 12 fjórðingamarkið umframt 7.000 krónur fyri brot á reglur um pass og tolleftirlit.

Harumframt skal hann gjalda sakarmálskostnaðin. 

Daniel Binyon møtti ikki í Føroya rætti í dag, og tí skuldi rætturin fyrst taka støðu til um málið skuldi fremjast ella ei.

Føroya rættur gav ákæruvaldinum viðhald í, at málið skuldi fremjast í dag. Tilnevndi verjin í málinum vildi hava málið avvíst.

Kærufreistin er 14 dagar.