Listakvinnan Bergithe Johannessen var fyrsti føroyingur, ið tók útbúgving á Kunsakademiets malerskole í Keypmannahavn. Hon sýndi fram á Ólavsøkuframsýningum í eini 25 ár, men hóst tað, hevur hon verið lutfalsliga lítið umrødd, og fá kenna til hana. Nú hava tveir danskir rithøvundar, Anya Mathilde Poulsen og Gunvor Bjerre, skrivað bók um "gloymdu" føroysku listakvinnuna. Bókin, sum Sprotin gevur út, kemur út á Bókadøgum, sum eru í Norðurlandahúsinum um vikuskiftið.

Vit fara eisini ein túr oman á Tjóðpall Føroya, har kenda ævintýrið Øskufía í næstum verður framført í nýggjum hami. Øskufía er í dag tannáringur, ið skal finna stevið í eini samansettari familju, meðan hon fyriheldur seg til sorgina eftir mammuni og til eina fosturmammu, ið av øllum alvi roynir at hava yvirflatuna perfekta.

Mentanarviðmælið hesa vikuna ger Solveig Hanusardóttir Olsen, stjóri í Listasavni Føroya.