Konservativi flokkurin endurvann sessin hjá Boris Johnson

Konservativi flokkurin í Bretlandi hevur endurvunnið sessin í bretska Undirhúsinum, sum hevur staðið tómur, síðani fyrrverandi forsætisráðharrin, Boris Johnson, í farna mánaði valdi at fara úr politikki.

Tað gjørdist tó ein tepur sigur, tí við bara 495 atkvøðum í meiriluta eydnaðist Konservativa flokkinum at vinna á Labour og varðveita sessin.

Boris Johnson var valdur í Uxbridge og South Ruislip, vestan fyri London, har veljararnir í gjár vóru á vali.

Konservativi flokkurin fekk 13.965 atkvøður og Labour 13.470 atkvøður.