Dómur: Ikki við vinningi fyri eyga

Ákæruvaldið kravdi, at skipið hjá Paul Watson, John Paul DeJoria, skuldi sektast við 100.000 krónum, fyri at fara inn um 12 fjórðinga markið.

Sektin bleiv 75.000 krónur og ikki 100.000, sum ákæruvaldið kravdi, tí tað var ikki við vinningi í huga, at John Poul de Joria fór inn um 12 fjórðinga markið.

Tað sigur Føroya rættur.

Vanligt er, at fiskiskip fáa 100.000 krónur í sekt fyri ólógligt fiskarí.

Slíkt fiskarí er, tí fíggjarligur vinningur fæst burtur úr tí.

Tá lógin um trygd á sjónum var gjørd, var einki nevnt um, hvussu stórar sektirnar skuldu vera.

Trygd á sjónum

Kunngerðin frá 2016, sum nú er brúkt til at forða Paul Watson og hansara fólkum at fara inn um 12 fjórðingar, byggir á lógina um trygd á sjónum.

Føroya rættur leggur eisini dent á, at eingin skaði hendi og eingin vandi var á ferð, tá farið var inn um 12 fjórðinga markið.   

John Poul de Joria er nú á veg til Calais í Fraklandi, hagar hann kemur fyrrapartin.