Kevin Spacey fríkendur

Hann var ákærdur fyri í tilsamans níggju førum at hava forbrotið seg kynsliga ímóti fýra ymsum monnum.

Kevin Spacey varð ákærdur í kjalarvørrinum av Me Too-rørsluni.

Í rættinum noktaði Spacey seg sekan, og segði seg ikki hava brúkt sítt vald sum stjørna til at fáa fólk í song við sær.

Sjónleikarin er 64 ára gamal í dag.

Teir fýra menninir, sum ákærdu hann, eru dulnevndir fyri almenninginum. Teir eru nú í 30- og 40-unum.