Sjúkt ferðafólk flutt á Landssjúkrahúsið

Fyrrapartin var tyrla hjá Atlantic Helicopters eftir sjúkum ferðafólki sunnanfyri Føroyar.

Talan er um eina kvinnu, sum skuldi á sjúkrahús.

Tyrlan var hjá útlendskum ferðamannaskipi, sum er á veg til Íslands.

Skipið var 70 fjórðingar í ein landssynning sunnan úr Føroyum.

Tveir tímar og 10 minuttir gingu, frá tí, Sjóbjargingarstøðin í Havn fekk boðini, til sjúka kvinnan var í Landssjúkrahúsinum.

Skipið hevur ikki tyrlupall, so neyðugt var at hála kvinnuna upp í tyrluna.