- Tíðindi, mentan og ítróttur
Svøríki herðir marknaeftirlitið
Svøríki herðir marknaeftirlitið
Svenski forsætisráðharrin, Ulf Kristersson, boðaði á tíðindafundi í dag frá, at trygdarstøðan í Svøríki er broytt eftir koranbrenningar
Mynd: Ritzau / Scanpix
01.08.2023 - 16:06
Svenska stjórnin hevur avgjørt at herda eftirlitið við landamarkið frá hósdagin.
Tað segði svenski forsætisráðharrin, Ulf Kristersson, á tíðindafundi í dag, nú trygdarstøðan í Svøríki er broytt eftir koranbrenningar.
Forsætisráðharrin vísti á, at tað ikki skal vera lætt hjá fólki, sum ikki hava tilknýti til Svøríki, at koma til landið at fremja brotsverk.
- Vit samskifta dagliga við svensku fregnartænasturnar, so álvarsom er støðan, halda vit, segði Ulf Kristersson.
Svenski løgmálaráðharrin, Gunnar Strömmer, sigur, at illviljin ímóti Svøríki er vaksin líðandi.
- Tað er neyðugt hjá løgregluni at arbeiða harðari. Tað snýr seg um økt eftirlit, at gera kropskanningar og hyggja at samleikaprógvum, sigur hann.
Nýggjastu sendingar í ÚV
Nýggjastu sendingar í SV