U19-menninir skakaðu hondbóltsheimin

Talan var um ein javnan og spennandi dyst frá byrjan til enda, og í hálvleikinum stóð eisini á jøvnum 14-14.

Men síðstu sjey minuttirnar vísti føroyska liðið klassa og vann sær avgerandi munin, so tað eydnaðist at taka kravda sigurin og vinna seg víðari úr innleiðandi bólkinum.

Hetta merkti samstundis, at Svøríki varð varpað úr HM-kappingini, so tað tí eru Iran og Føroyar, ið koma víðari úr bólkinum.

Óli Mittún skjeyt 17 mál og varð kosin besti spælari eftir dystin. Hann er toppskjútti í HM-endaspælinum higartil við 37 málum.