Framvegis vánalig vatngóðska í Sandá

Vatngóðskan er framvegis vánalig í Sandá, og har er vánaligt baðivatn. Tað staðfestir nýggjasta vatngóðskukanningin, sum var gjørd 12.august.

Vatnið er vánaligt, tí ov nógvar koliformar bakteriur eru í tí. Og tí stendur eisini svimjifrámælið við í Sandá og í ósanum við Sandagerð. 

Baðivatngóðskan verður kannað aðru hvørja viku í Tórshavnar kommunu. 

12 støð vera kannað, bæði feskt vatn og salt vatn. Flestu støðini fáa skoðsmálið frálíkt baðivatn. Úrslitini eru á heimasíðuni torshavn.fo.

Koliformar bakteriur er felagsheiti fyri bakteriur í langanum hjá súgdjórum. Eru tær aðrastaðni enn har, eru tær at rokna sum dálkandi skarn.