Nýggj fólkaheilsuætlan skal gerast

Ein nýggj fólkaheilsuætlan skal gerast, og tað arbeiðið byrjar í heyst.

Yvirskipaða politiska ætlanin er, at sálarligar og kropsligar sjúkur vera javnsettar í heilsuverkinum.

Fyribyrgingararbeiðið eigur at raðfestast fremri.

Tí fer nýggja fólkaheilsuætlanin at leggja dent á sjúkufyribyrgjandi og heilsufremjandi tiltøk. 

Tað sigur Margit Stórá, landsstýriskvinna.

Hon hevur svarað Eiriki í Jákupstovu, løgtingsmanni, sum spurdi um heilsuøkið.

Margit Stórá

Styrkja heilsuverkið uttanfyri Sjúkrahúsverkið

Margit Stórá sigur, at neyðugt er at styrkja og skipa partin í heilsuverkinum, sum er uttanfyri Sjúkrahúsverkið.

Ætlanin er, at kanningar, viðgerðir og annað, sum kunnu gerast uttanfyri Sjúkrahúsverkið, vera gjørdar í nærumhvørvinum hjá fólki.

Í tí sambandi verður kommunulæknaskipanin endurskoðað. 

sjúkrabilur, 112, Landssjúkrahúsið

Kommunulæknaskipanin skal hava fakligan stjóra.

Læknavaktin, 1870, verður væntandi klár at veita bráðfeingis sálarliga hjálp í heyst, sigur landsstýriskvinnan.

Og roykilógin skal dagførast, sigur Margit Stórá.