Átta tons av kokaini umborð á Mærsk skipi

Átta tons av kokaini eru funnin í einari bingju umborð á einum Mærsk skipi. 

Finans skrivar, at reiðaríið hevur váttað tíðindini. 

Rúsevnini vórðu sigld úr Ekvador til Rotterdam í Niðurlondum, umvegis Panama, boða niðurlendskir myndugleikar frá. 

Finans hevur áður skrivað um, at Mærsk hevur sæð millum fingrarnar við rúsevnisbrotsliðum, ið nýta teirra skip og størstu havnirnar í Evropa, Antwerpen og Rotterdam. Hvørki Mærsk ella niðurlendskir myndugleikar vilja svara uppá tær ákærurnar. 

Hildið verður, at tey átta tonsini av kokaini, ið vórðu funnin í bingjuni hesaferð, eru verd 4,5 milliardir krónur.