Danmark letur 19 F-16 flogfør

Á tíðindafundi, sum var tríggjar tímar seinkaður, kunngjørdi danski forsætisráðharrin, Mette Frederikssen, at Danmark letur Ukraina 19 F-16 flogfør. 

Fyrr í dag var Zelenskyj á fundi við niðurlendska forsætisráðharran, Mark Rutte, har kunngjørt varð, at Niðurlond stuðla við 42 F-16 flogførum.  

Danmark og Niðurlond skulu hava ábyrgd av at venja ukrainskar flogskiparar at nýta F-16 flogførini. Í Danmark fara venjingarnar fram í býnum Skryrup í suðurjútlandi. 

Ukrainsku forsetahjúnini steðga í Danmark í tvey samdøgur. Undir vitjanini skulu tey m.a. vitja kongshúsið, Fólkatingið og fleiri ukrainar, sum búgva í Danmark, skrivar forsætirsráðstovan.