- Tíðindi, mentan og ítróttur
Maui: 850 fólk ikki komin afturíaftur
Maui: 850 fólk ikki komin afturíaftur
Amerikanski forsetin lovar at byggja oynna í Hawaii uppaftur eftir ógvusliga eldarnar
Amerikansku forsetahjúnini sóu alt, sum eldarnir á Maui hava lagt í oyði.
Mynd: Ritzau Scanpix
22.08.2023 - 14:01
Fleiri enn 850 fólk eru framvegis ikki komin afturíaftur eftir ógvusligu eldarnar á oynni Maui í Hawaii. Teirra millum eru fleiri børn, sigur guvernørurin í Hawaii, Josh Green, sambært BBC.
Í nátt, føroyska tíð, vitjaði amerikanski forsetin, Joe Biden, oynna.
- Eg veit, at einki kann geva tykkum eitt lív, ella tað oyðilagda, aftur, men eg fari at gera alt, eg eri mentur, at hjálpa Maui, og at byggja oynna uppaftur eftir hesa vanlukku.
(Mynd: Ritzau Scanpix)
- Vit eru við tykkum, og eg kann lova, at tykkara rødd verður hoyrd. Vit fara at byggja alt uppaftur á tann hátt, sum fólkið í Maui vil hava tað, segði Joe Biden.
Metingar siga, at tað fer at kosta 34 milliardir krónur at endurreisa Maui.
Er kopiera
Nýggjastu sendingar í ÚV
Nýggjastu sendingar í SV
