Wagner-bólkurin er nú í Afrika

Fyri fyrstu ferð, síðan illa gitni russiski Wagner-bólkurin royndi at gera hernaðarkvett í juni, er leiðarin í bólkinum, Jevgenij Prigozjin, aftur at síggja. 

Á einari nýggjari upptøku sigur Prigozjin, at hansara fólk nú eru farin at hjálpa Afrika. 

Sjónbandið sæst á miðlinum, Telegram.

Á upptøkuni, sum ikki enn er váttað, sipar Prigozjin sambært bretska kringvarpinum til, at hann nú er staddur í Afrika. Har skal Wagner-bólkurin eftir øllum at døma leita eftir mineralum og stríðast móti harðrendum islamistum á afrikanska meginlandinum. 

- Wagner-bólkurin ger kanningar og rannsóknaruppgávur, ger Russland máttmiklari og Afrika meiri frítt, sigur hann á upptøkuni.