Givin í býráðnum í Vága kommunu

Herborg H. Gaardlykke er farin úr býráðnum í Vága kommunu, skrivar kommunan í dag.

Á fyrsta býráðsfundi eftir summarsteðgin, boðaði Herborg Gaardlykke frá, at hon tók seg úr býráðnum. 

Herborg H. Gaardlykke var vald í býráðið á kommunuvalinum í november 2020. Tá var hon 19 ára gomul.

Hon fer nú undir hægri lestur, og flytur til Keypmannahavnar. 

Inn fyri Herborg H. Gaardlykke er komin annar ungur býráðspolitikari, Jóhannus Hansen, úr Sandavági. 

Nevndirnar eru tí valdar av nýggjum, og tað var gjørt á býráðsfundi í gjárkvøldið.