Sjúkrahússtjórin: Viðgerðin kundi longu verið byrjað

Stjórin á Suðuroyar sjúkrahúsi er sannførdur um, at hevði Sjúkrahúsverkiði søkt eftir fólki beinleiðis til setan á Suðuroyar sjúkrahúsi, og ikki á Landssjúkrahúsinum, høvdu fólk søkt, og dialysuviðgerðin kundi byrjað á Tvøroyri.

Høli og tól eru klár, og dialysutólið var tendrað fyrrapartin, men eingi starvsfólk eru.

Hoyr innslag í útvarpstíðindunum: 

Hans Pauli Henryson

Hans Pauli Henryson er stjóri á Suðuroyar sjúkrahúsi.

Landssjúkrahúsið søkti í summar eftir fólki at hava dialysuviðgerðina á Suðuroyar sjúkrahúsi um hendi.

Størvini vóru ikki sett, og samskiftisráðgevin á Landssjúkrahúsinum segði við Dimmalætting í síðstu viku, at nú verður søkt av nýggjum.

Sambært Hans Paula Henryson, stjóra á Suðuroyar sjúkrahúsi, ferðast tríggir sjúklingar í Suðuroynni aftur og fram við Smyrli tríggjar ferðir um vikuna at fáa dialysuviðgerð á Landssjúkrahúsinum.