Løgmaður um russlandssáttmálan: Landsstýrið kannar lógarbroytingar

Politiskur viðmerkjari heldur, at tað eru heldur politiskar ósemjur í samgonguni, sum gera, at eingin avgerð er tikin um sáttmálan enn

Enn er eingin politisk avgerð tikin um fiskiveiðusamstarvið við Russland. (Savnsmynd: Bjarni Árting Rubeksen)

Hansa Hansen

20.09.2023 - 10:42

Nú avgerð skal takast um fiskiveiðusamstarvið við Russland, er ikki samsvar millum tað, sum landsstýrismennirnir í fiskivinnumálum og uttanríkis- og vinnumálum siga um frágreiðingina hjá landsstýrinum um Russland.

- Vit hava fyrireikað okkum væl og vita, hvat gerast skal, um samstarvið við Russland steðgar, segði Høgni Hoydal í juni.

Fyrr í vikuni segði Dennis Holm, at orsøkin til, at avgerð ikki er tikin enn um samráðingarnar við Russland, er at vit ikki vita hvat skal gerast, um samstarvið heldur uppat.

Spurningurin, sum stendur eftir, er hví Dennis Holm nú kannar okkurt, sum sambært Høgna Hoydal longu er kannað.

Aksel V. Johannesen

Aksel V. Johannesen, løgmaður.

Svarið er greitt, sigur Aksel V. Johannesen løgmaður.

Hvørgin teirra sigur ósatt, tí vit hava kannað, hvat vit skulu gera, men í løtuni kanna vit, hvørjar lógarbroytingar skulu til fyri at fremja hetta í verki.

Hoyr samrøðu við Aksel V. Johannesen:

0 seconds of 0 secondsVolume 90%

00:00

Russiskir trolarar, Runavík

Russisk skip við bryggju í Runavík, áðrenn havnarstongsilin kom í gildi. (Savnsmynd)

Avgerðin er ikki so løtt at taka, sigur Árni Gregersen politiskur viðmerkjari.

Hansara meting er tó, at tað eru ósemjur í samgonguni, og ikki viðgerð av lógarbroytingum, sum gera, at landsstýrið framvegis ikki hevur tikið nakra avgerð um samstarvið við Russland: