Farmaskip við korni hevur kós móti Egyptalandi

Eitt farmaskip við 17.600 tonsum av korni fór í morgun úr havnini í Odesa við kós móti Egyptalandi. 

Tað váttar ukrainski varaforsætisráðharrin, Oleksander Kubrakov, á sosiala miðlinum X, sum fyrr var Twitter.

Hetta er fyrsti stóri kornútflutningur úr Ukraina, síðani Russland tók seg úr avtaluni um flutning.

Skipið skal sigla gjøgnum fyribils humaniterar geirar. Tað siglir í altjóða sjógvi og í sjógvi, sum Nato-londini, Bulgaria og Rumenia, hava eftirlit við.