Íslendski fíggjarmálaráðharrin farin frá

Íslendski fíggjarmálaráðharrin, Bjarni Bene­dikts­son, hevur sagt seg úr starvinum.

Tað gjørdi hann eftir at Altingsins umboðsmaður segði, at lutur hansara, tá Íslandsbanki var seldur, var ikki í lagi.

Bjarni Benediktsson er formaður í Sjálfstæðisflokkinum.

Onga ávirkan

Tað fær tó onga ávirkan á samgongusamstarvið, at hann nú er farin frá sum ráðharri, sigur Katrin Jakobsdóttir, forsætisráðharri.

Gitingar eru um, at Þordís Kolbrún Reykfjörð Gylfadóttir, sum er uttanríkisráðharri, verður fíggjarmálaráðharri, og Bjarni Benediksson verður uttanríkisráðharri.

Tey eru bæði í Sjálfstæðisflokkinum.