Freistin er farin hjá sivilfólki í Palestina

Íbúgvarnir fingu freist til klokkan 16 lokala tíð at fara suðureftir við ánna Wadi Gaza.

Freistin varð longd eftir fyrst at hava verið sett til 24 tímar. 

ST metir at tíggju túsund tals eru farin úr økinum. 

Neyðhjálparfelagsskapurin Reyði Hálvmáni, sum svarar til okkara Reyða Kross fekk somuleiðis boð um at fara av sjúkrahúsinum, A-Quds har norðuri í Gaza, áðrenn kl 16 lokala tíð.

Í tíðindaskrivi á x - Tað er miðilin sum fyrr æt twitter - skriva tey at felagsskapurin ikki kann fara frá sjúkrahúsinum, tí tey mugu hjálpa sjúkum og særdum har. 

Felagsskapurin heitir á politiskarar leiðarar í heiminum um at royna at fáa ísraelska herin at taka aftur teirra áheitan á fólk har norðuri í Gaza um at flýggja suðureftir. 

Gittingar eru um, at næsta stigið hjá Ísrael verður at fara inn í Gaza á landi. 

Seinnapartin sást ein sjónbandaupptøka við ísraelska forsetisráðharranum Benjamin Nethanyaho uttanfyri Gazageiran, har hann spyr hermenn um teir eru klárir til næsta stigið.