Ísrael sigur seg hava prógv

Ísrael sigur seg hava prógv fyri, at landið ikki skipaði fyri álopinum á eitt sjúkrahús í Gasa.

Í morgun kunngjørdi talsfólkið hjá ísraelska herinum, Daniel Hagari, upptøku frá fylgisveini, sum skal vísa, at Ísrael ikki framdi álopið á sjúkrahúsið í gjárkvøldið.

Sjónbandið hevur fleiri upptøkur, sum skulu verða tiknar í økinum við sjúkrahúsið,  bæði fyri og eftir álopið.

Ísraelski herurin sigur, at fregnartænastuupplýsingar vísa, at hernaðarligi uppreistrarbólkurin, Heilagt islamskt krígg,j framdi álopið, sum skal hava dripið meira enn 500 fólk.

- Greining, sum skipanir hjá herinum hava gjørt, benda á, yvirgangsfólk í Gasa skutu rakettir sum fóru fram við Al Ahli-sjúkrahúsinum, samstundis sum sjúkrahúsið var bumbað, segði talsmaðurin fyri ísraelska herin í gjárkvøldið, sambært Reuters.

Eitt talsfólk fyri Heilagt íslamskt kríggj vísir hesum uppáhaldi aftur.