Fíggjarnevndin skal viðgera leist fyri almennar byggiverkætlanir

Fíggjarnevndin hjá løgtinginum skal nú taka støðu til, hvussu almennar byggiverkætlanir skulu skipast frameftir. 

Og tað kann fáa avleiðingar fyri Landsverk.

Tað vísir innlit, sum Kringvarpið hevur fingið. 

Ein arbeiðsbólkur við embætisfólkum hevur latið úr hondum lýsing, ið vísir á tríggjar framtíðar møguleikar fyri almennar byggiverkætlanir.

Í fyrsta lagi verður skotið upp at dagføra verandi skipan við Landsverki. 

Samgongusamráðingar 2022, á kvøldið, Aksel V. Johannesen, 16:9

Aksel V. Johannesen, løgmaður. (Savnsmynd: Bjarni Árting Rubeksen)

Í øðrum lagi verður mælt til eina skipan, sum var galdandi fyri 2001, har aðalráðini sjálvi umsita byggiverkætlanir. Sostatt missir Landsverk leiklutin sum almennur byggiharri.

Og triðja uppskotið er at stovna eitt nýtt aðalráð, sum fær alla ábyrgd av bygging. Í eini slíkari skipan verður Landsverk varðveitt, men politiska ábyrgdarbýtið verður greiðari. 

Aksel V. Johannesen, løgmaður, hevur sett gongd á arbeiðið, tí fleiri dømi eru um, at byggiverkætlanir eru farnar av sporinum, sigur hann.

Løgmaður var í Breddanum fyrrapartin:

Farið verður nú fíggjarnevndina at viðgera tilfarið frá arbeiðsbólkinum. Og har vónar løgmaður at fáa breiða politiska undirtøku fyri møguligum broytingum:

Allur Breddin kann hoyrast her.