Flogbóltslandslið klárt til undankapping

Í døgunum 27.-29. oktober leikar U20 landsliðið í flogbólti hjá monnum CEV-undankapping í Rovaniemi í Finnlandi.

Høvuðsvenjarin, Boban Ilic (standandi uttast til høgru) og hjálparvenjarin Oleksandr Dmytirrev (standandi uttast til vinstru) hava úttikið hesar dreingirnar til kappingina:

Kári Mikkelsen

25.10.2023 - 18:44

Hendan undankappingin er samstundis U19 NEVZA kapping, so talan er í veruleikanum um eitt U19 og eitt U20 landslið. Alt eftir um mált verður eftir aldursbólkinum til CEV undankappingina, har finaluranr verða leiktar í 2024, ella um mált verður eftir NEVZA kappingini, sum verður leikt nú í 2023. NEVZA kappingin er á hvørjum ári, meðan undankappingin verður skipað annaðhvørt ár.

Føroyska liðið er komið í ein sera sterkan innleiðandi bólk og skal fríggjadagin 27. oktober leika ímóti Svøríki og Finnlandi. Fyrsti dysturin verður longu klokkan 8.00 finska tíð ímóti Svøríki. Hetta er klokkan 6.00 føroyska tíð. Næsti dysturin er ímóti sera sterka liðnum úr Finnlandi. Hesin dysturin verður klokkan 12 føroyska tíð.

Fjórðingsfinalur og hálvfinalur verða síðani leygardagin 28. oktober og finala og plaseringsdystir sunnudagin 29. oktober.

Dystirnir kunnu síggjast á: https://live.lentopallo.fi/nevzau19 , við at rinda eitt gjald.