Síðsta umfar í Betri-deildini

KÍ er longu føroyameistari, men enn er ikki avgjørt, hvør fær hini heiðursmerkini. Har stendur kappingin millum Víking, B36 og HB.

AB er flutt niður, og tað verður antin TB ella ÍF, sum fer niður í næstbestu deildina saman við argjamonnum. Her eru treytirnar greiðar undan síðsta umfari: Um TB skal bjarga sínum plássi í deildini, skulu teir vinna sín dyst móti 07 Vestri, samstundis sum ÍF skal tapa sín dyst móti B68.

Dystirnir í dag, sum allir byrja klokkan 15, eru hesir:

KÍ-Víkingur
TB-07 Vestur
AB-B36
ÍF-B68
EB/Streymur-HB

Kringvarpið sigur frá dystinum millum KÍ og Víking og fer eisini at hava fólk á staðnum til hinar dystirnar.